chalte tehalte kab aa pahuncha tha
main is anjaan se sheher mein
aur hissa ban gaya ek naye caarvan ka
kab shaam dhali naya din aaya
kuch yaad hi nahi
fir safar par chal diye thein
naye raahgeeron ke saath
haste gaate ek naye sheher ki or
kab shaam dhali naya din aaya
kuch yaad hi nahi
ab alvida kehne ka samay aaya hai
kyun lag raha hai ke
kisi se theek se kuch baat bhi na hui
kab shaam dhali naya din aaya
kuch yaad hi nahi
kaise beet gaye ye din raat
hum to dheere dheere chal rahe thein
ye antim padaav kab aaya
kab shaam dhali naya din aaya
kuch yaad hi nahi
haath hilata hun hanskar alvida kehta hun
par hridey ko to bas udaasiyon ne ghera hai
antim padaav par antim bhnet ye tumko saathi
antim kavya ye mera hai
No comments:
Post a Comment